U Baranavičach śledčyja pravodziać pravierku pa fakcie traŭmiravańnia 16-hadovaha navučenca prafiesijna-techničnaha liceja, paviedamiŭ TUT.BY aficyjny pradstaŭnik upraŭleńnia Śledčaha kamiteta pa Bresckaj vobłaści Dźmitryj Ivaniuk.

9 listapada ŭ aktavaj zale navučalnaj ustanovy prachodziŭ kancert, padčas jakoha ŭźnik kanflikt pamiž dvuma pieršakurśnikami. Chłopcy damovilisia vyśvietlić adnosiny sam-nasam paśla.

U pryznačany čas jany sustrelisia va ŭmoŭlenym miescy. Razborki vylilisia ŭ bojku, padčas jakoj adzin ź jaje ŭdzielnikaŭ atrymaŭ surjoznuju traŭmu.

Ź miesca zdareńnia padletka zabrała chutkaja. Jaho špitalizavali ŭ reanimacyjnaje adździaleńnie balnicy, dzie jon pravioŭ niekalki dzion u komie.

Pa dadzienym fakcie śledčyja pravodziać pravierku.

«Dla vyśviatleńnia stupieni ciažkaści atrymanych paciarpiełym traŭmaŭ pryznačana sudova-miedycynskaja ekśpiertyza», - rastłumačyŭ Dźmitryj Ivaniuk.

Клас
0
Панылы сорам
0
Ха-ха
0
Ого
0
Сумна
0
Абуральна
0