Sud Pinska abviaściŭ prysud doktaru za nieakazańnie dapamohi pacyjentu, paviedamili BiełTA ŭ pres-słužbie Bresckaha abłasnoha suda.

Mužčyna pracavaŭ lekaram-terapieŭtam u Pinskaj centralnaj balnicy. U noč z 11 na 12 lutaha, padčas dziažurstva, jon nie akazaŭ miedycynskuju dapamohu dastaŭlenamu ŭ pryjomnaje adździaleńnie chvoramu. U toj ža dzień 41-hadovy pacyjent pamior.

Była pryznačanaja ekśpiertyza, u dačynieńni da doktara raspačali kryminalnuju spravu. Sud pryznaŭ mužčynu vinavatym.

Jamu pryznačana pakarańnie: paŭtara hoda abmiežavańnia voli biez nakiravańnia ŭ vypraŭlenčuju ŭstanovu adkrytaha typu. Taksama jon zapłacić štraf u pamiery 100 bazavych vieličyniaŭ (Br2450).

Клас
0
Панылы сорам
0
Ха-ха
0
Ого
0
Сумна
0
Абуральна
0