U Minskim rajonie zatrymany mužčyna za niezakonnaje abaračeńnie zbroi i narkotykaŭ. U kryminalnym asiarodździ jon maje status «złodzieja ŭ zakonie» i mianušku Rašad Hiandžynski, paviedamlaje MUS.

Jaho sapraŭdnaje imia — Rašad Mamied ahły Ismaiłaŭ. Jaho zatrymali supracoŭniki hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj MUS Biełarusi pry siłavoj padtrymcy bajcoŭ SACHR unutranych vojskaŭ.

Mužčyna 1978 hoda naradžeńnia i jašče čaćviora ŭdzielnikaŭ jaho złačynnaj hrupy znachodzilisia ŭ adnym z haściničnych kompleksaŭ Minskaha rajona. U arandavanym domiku i ich asabistym aŭtatransparcie vyjavili pistalet Makarava, pistalet TT, 14 bajavych patronaŭ. Akramia zbroi i bojeprypasaŭ, u fihurantaŭ znojdzieny hašyš.

U dačynieńni da zatrymanych raspačata kryminalnaja sprava. Pavodle infarmacyi HUBAZiK, Rašad Mamied ahły Ismaiłaŭ źjaŭlajecca tak zvanym «smatraščym» za azierbajdžanskaj dyjasparaj Ukrainy. Jon uvachodzić u najbližejšy asiarodździe zładziejaŭ u zakonie Nadzira Salifava (Łotu Huli) i Vahifa Sulejmanava (Vahif Bakinski).

Rašad Mamied ahły Ismaiłaŭ i zatrymanyja ŭdzielniki jaho złačynnaj hrupy nieadnarazova pryciahvalisia da administracyjnaj i kryminalnaj adkaznaści na terytoryi Rasii i Ukrainy. Jany źjaŭlalisia fihurantami kryminalnych spraŭ, zaviedzienych pa faktach ździajśnieńnia karyśliva-hvałtoŭnych złačynstvaŭ u dačynieńni da biznesmienaŭ — vychadcaŭ z Azierbajdžana, jakija vałodajuć handlovymi centrami i aptovymi rynkami ŭ roznych rehijonach Rasii i Ukrainy.

Клас
0
Панылы сорам
0
Ха-ха
0
Ого
0
Сумна
0
Абуральна
0