Ułady Kałužskaj vobłaści Rasii całkam raźličylisia za budaŭnictva ŭ rehijonie abjektaŭ da čempijanatu śvietu pa futbole 2018 hoda, paviedamiŭ RIA Naviny pradstaŭnik abłasnoha ŭrada.

Alaksandr Łukašenka ŭ piatnicu zajaviŭ, što Rasieja da hetaha času nie raźličyłasia za abjekty, pabudavanyja biełarusami ŭ Kałuzie da čempijanatu śvietu pa futbole.

Pradstaŭnik urada Kałužskaj vobłaści rastłumačyŭ, što biełaruski bok byŭ subpadradčykam pry budaŭnictvie dźviuch trenirovačnych baz da čempijanatu.

«Urad Kałužskaj vobłaści vykanaŭ svaje finansavyja abaviazacielstvy pierad hienieralnym padradčykam u poŭnym abjomie», — skazaŭ surazmoŭca.

Pavodle partała «Kałuha 24», bazy na Hrabcaŭskaj i na Tulskaj šašy («Arbita» i «Spadarožnik») budavaŭ Homielski domabudaŭničy kambinat, a hienieralny padrad na budaŭnictva abjektaŭ atrymała TAA «TP CHONKO», hałoŭny ofis jakoha znachodzicca ŭ kanadskim Kviebieku.

Клас
0
Панылы сорам
0
Ха-ха
0
Ого
0
Сумна
0
Абуральна
0