Natalla Broŭka, jakaja maje padvojnaje hramadzianstva, biełaruskaje i rasijskaje, źviarnułasia ŭ CVK Rasii u suviazi z admovaj u rehistracyi na vybarach. Jana vyłučałasia kandydatam u deputaty ŭ miascovy saviet padmaskoŭnaha Łosina-Piatroŭskaha i nie była zarehistravanaja, piša pravda.ru.

Pryčyna admovy miascovaj terytaryjalnaj vybarčaj kamisii — jakraz druhoje, biełaruskaje, hramadzianstva. Adnak u 2014 hodzie Broŭka, jakaja pracuje piedahoham-psichołaham u miascovym dziciačym sadku, paśpiachova zarehistravałasia na vybarach i ŭpeŭniena pieramahła. Charakterna, što tady Natalla išła ad partyi «Adzinaja Rasija», a ciapier — u paradku samavyłučeńnia.

Natalla Broŭka žyvie ŭ Rasiei ŭžo bolš za 10 hadoŭ. «Zakon «Ab palityčnych partyjach» farmalna zabaraniaje zamiežnym hramadzianam być členami partyj u RF, TVK horada Łosina-Piatroŭski zabyvaje, što jość Damova ab stvareńni Sajuznaj dziaržavy, jaki nadzialaje rasiejcaŭ i biełarusaŭ roŭnymi pravami, u tym liku pasiŭnym vybarčym pravam», — prakamientavała situacyju Broŭka.

Miascovyja vybary ŭ RF pryznačanyja na 23 śniežnia 2018 hoda.

Sioleta ŭ Biełarusi ŭ miascovyja saviety abrany 21 hramadzianin RF.

Клас
0
Панылы сорам
0
Ха-ха
0
Ого
0
Сумна
0
Абуральна
0