Prajekt, arhanizavany kampanijaj «Savuškaŭ pradukt», dziejničaŭ u Minsku ź vieraśnia pa śniežań 2018 hoda. Padletkam raskazali i pakazali, jak atrymlivać ad ježy nie tolki zadavalnieńnie, ale i karyść. U prajekcie ŭziali ŭdzieł navučency himnazij №56, №12 i №11, a zaviaršyŭsia prajekt majstar-kłasami ŭ himnazii №1 Minska.
Misija «Małočnaj akademii» — dapamahčy školnikam kłapacicca pra zdaroŭje i pravilna charčavacca. U pryvatnaści, vučni daviedalisia pra rolu małočnych praduktaŭ u štodzionnym racyjonie i sposabach paźbiehnuć prablem z abmienam rečyvaŭ.
Kab dahrukacca da školnikaŭ, majstar-kłasy pravodzili viadomyja biełarusy. Tytułavanaja lohkaatletka Alina Tałaj i błohierka Hanna Bond padzialilisia sakretami charčavańnia i trenirovak. A šef-kuchar Taćciana Nazaruk prosta pierad himnazistami hatavała małočnyja śniadanki. Zamacavać viedy možna było ŭ intelektualnaj hulni «Mozhva», a zdavolić hoład — na «małočnaj stancyi padzaradki». Samyja aktyŭnyja školniki atrymali abaniemienty ŭ fitnes-kłub i inšyja pryjemnyja bonusy.
Kiraŭnictva himnazij paćvierdziła važnaść prajekta dla papularyzacyi pravilnaha charčavańnia siarod padletkaŭ. «Takija mietady pracy zrazumiełyja padletkam i padabajucca im. Adno takoje mierapryjemstva «Małočnaj akademii» pa efiektyŭnaści moža, napeŭna, zamianić usio toje, što za apošnija 9—10 hadoŭ sprabavali danieści na kłasnych hadzinach, raspaviadajučy pra važnaść zdarovaha ładu žyćcia», — patłumačyła dyrektar himnazii №11 Minska Volha Bojka.
«Prajekt «Małočnaja akademija» musić pakazać školnikam, što charčavacca pravilna moža być lohka i smačna. Ale kab zrabić heta efiektyŭna, my razmaŭlali z padletkami na ich movie i ŭsie parady staralisia ilustravać svaim prykładam. Z hetaj pryčyny majstar-kłasy pravodzili paśpiachovyja ludzi, jakija sočać za svaim racyjonam i viedajuć pieravahi ZŁŽ. Jak śviedčać vyniki apytańniaŭ, i heta vielmi važna, staršakłaśniki nie tolki atrymali parady i navučylisia hatavać małočnyja stravy, ale i stali zadumvacca pra svajo zdaroŭje», — padkreśliła namieśnik hiendyrektara kampanii «Savuškaŭ pradukt» Alena Babkina.
«Małočnaja akademija» stała častkaj vialikaj sacyjalnaj inicyjatyvy kampanii, jakaja realizujecca ŭ Biełarusi z 2005 hoda. Kožny hod małočny vytvorca pravodzić sieryju mierapryjemstvaŭ pa prasoŭvańni zdarovaha ładu žyćcia i zbałansavanaha charčavańnia, nieadjemnaj častkaj jakoha vystupajuć małočnyja pradukty.