Užo stała zvykłaj situacyja, što pry peŭnych palityčnych manieŭrach biełaruskich uładaŭ na našych forumach aktyvizujucca troli, jakija jak pad kapirku sprabujuć svaimi kamientaryjami prasunuć niejkuju dumku. 

Takoje adbyvajecca na ŭsich papularnych placoŭkach, na «Našaj Nivie» — u tym liku. 

Samy bujny forum u Biełarusi — heta talks.by. Jahonaja redaktarka, Volha Syćko, adkazała «Našaj Nivie», ci zaŭvažnaja niezvyčajnaja aktyŭnaść forumnych botaŭ na fonie pikirovak Łukašenki i Pucina. 

Volha Syćko, fota z fejsbuka.

Volha Syćko, fota z fejsbuka.

«Viadoma, u hetaj spravie [kamientavańni] niemahčyma złavić čałavieka za ruku ci ŭbačyć, adkul jon piša i ci płociać jamu za heta. Ale, sapraŭdy, ja mahu dapuskać, što rasijskija boty jość, — kaža Syćko. — Ja mahu ich vyličyć pa tych mierkavańniach, jakija jany choram tranślujuć».

Jak vydajuć siabie rasijskija boty? 

«Trolaŭ cikavić peŭnaja tematyka: adnosiny miž Biełaruśsiu i Rasijaj, «kudy hladzić Łukašenka». Kali ŭ bok Rasii, to jamu śpiavajuć dyfiramby, kali raptam jaho zaprasili ŭ Jeŭropu, umoŭna, tyja ž samyja ludzi pačynajuć jaho łajać. Sychodziačy z hetaj rytoryki ja mahu rabić svaje vysnovy. Kali cieraź ciabie prachodzić šmat infarmacyi, to ty bačyš i razumieješ tendencyi i manieru pisać. Časta jany vydajuć siabie, užyvajučy takija asacyjacyi, jakija nikoli nie pryduć u hałavu biełarusam. Elemientarna, kali naš čałaviek choča skazać, što niechta źjechaŭ z hłuzdu, to jon užyvie jak mietafaru, napeŭna, balnicu ŭ «Navinkach», a nie niejkuju balnicu ŭ Padmaskoŭi», — raskazała redaktarka talks.by. 

«Cikava, što pry hetym sistema identyfikuje takich karystalnikaŭ biełarusami, bo IR u ich — biełaruskija. Rasijskija boty najčaściej siadziać ź biełaruskich IR, a vydaje ich leksika. Kab našyja kamientary analizavała niejronnaja sietka, to jana b skazała, što ŭ nas 5% rasijskich karystalnikaŭ, a astatnija biełarusy, niekatoryja ź jakich u apošni miesiac aktyŭna stali davodzić, što «chočuć uźjadnańnia». Nasamreč ža jany tolki robiać vyhlad». 

Ale Syćko kaža, što nie bačyć nahod niešta mianiać u palitycy prymańnia kamientaŭ ci niejak takich ludziej abmiažoŭvać. 

«Ja nie baču prablemy ŭ tym, što jany pišuć. Heta dziciačy sad, skiravana na niejkaha forumnaha navička, jaki zojdzie i padumaje: «A što takoje adbyvajecca? Niechta sapraŭdy choča dałučeńnia da Rasii, takoje byvaje?». Bolšaja častka botaŭ pišuć ździeklivym tonam, prosta trolać. Heta sposab źbić ciabie z pantałyku. Tak, za apošni čas ich kolkaść pavialičyłasia, ale nie krytyčna, našyja karystalniki ŭsio razumiejuć i ja mahu tolki zaklikać ich bolš aktyŭna vykazvać svajo hledzišča, kab dumki sapraŭdnych biełarusaŭ byli lepš bačnyja», — padsumoŭvaje jana. 

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?