Adrazu niekalki bujnych amierykanskich haziet nie zmahli vypuścić svaje subotnija numary z-za kampjutarnaha virusa, jaki «prabraŭsia» ŭ drukarni Łos-Andželesa i vydaviectva Tribune Publishing u Čykaha, paviedamlaje Associated Press.
Tak, z-za techničnych prablem nie byli nadrukavanyja nakłady Los Angeles Times i The San Diego Union-Tribune. Haziety Chicago Tribune i The Baltimore Sun vyjšli z parušeńniem viorstki, a vypuski The New York Times i The Wall Street Journal byli dastaŭleny čytačam z zatrymkaj, dadaje CNN.
Pa dadzienych pradstaŭnikoŭ Los Angeles Times, kibierataki na drukarni, jakija vykarystoŭvajuć adno i toje ž prahramnaje zabieśpiačeńnie, była ažyćcioŭlena złamyśnikami ŭnutry ZŠA.
Vierahodna, zboj paŭpłyvaje na vypusk i niadzielnych vydańniaŭ ŚMI. Vydaviectva Tribune Publishing paviedamiła pra kibierataku FBR.