Armienija i Rasija damovilisia ab cenach na haz u 2019 hodzie, paviedamiŭ u paniadziełak vykanaŭca abaviazkaŭ premjer-ministra Armienii Nikoł Pašynian. Jon udakładniŭ, što razmaŭlaŭ pa hetym pytańni pa telefonie z prezidentam Rasii Uładzimiram Pucinym.

«Učora ja pravioŭ dźvie telefonnyja razmovy z prezidentam Rasii Uładzimiram Pucinym, padčas jakoha abmiarkoŭvałasia pytańnie cany na haz. Pa sutnaści, rašeńnie było znojdziena, chacia b na bližejšuju budučyniu», — paviedamiŭ Pašynian na svajoj staroncy ŭ Facebook.

Kiraŭnik Armienii ŭdakładniŭ, što Rasija canu padvysić. Adnak urad źnizić unutranyja taryfy, tamu cana na haz u Armienii dla spažyŭcoŭ nie pavialičycca.

Infarmacyju pra damoŭlenyja ceny na haz paćvierdziła i pres-słužba «Hazproma». U paviedamleńni, apublikavanym na sajcie kampanii, skazana, što 31 śniežnia ŭ Maskvie adbyłasia rabočaja sustreča kiraŭnika «Hazproma» Alaksieja Milera i v.a. vice-premjera Armienii Mhiera Hryharana.

«U adpaviednaści z padpisanym dadatkovym pahadnieńniem da kantrakta pamiž TAA «Hazprom ekspart» i ZAT «Hazprom Armienija», jakoje vyznačaje canu pastavak hazu ŭ Armieniju u 2019 hodzie, cana rasiejskaha hazu na miažy Hruzii i Armienii z 1 studzienia 2019 hoda składzie $ 165 dał. za 1 tys. kub. m», — skazana ŭ paviedamleńni.

Letaś kampanija «Hazprom Armienija», jakaja naležyć rasijskamu «Hazpromu», atrymlivała haz pa canie 150 dalaraŭ za tysiaču kubamietraŭ, a žychary Armienii płacili 285 dalaraŭ za tysiaču kubamietraŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?