Dumaju, što ŭ naš čas znojdziecca vielmi mała ludziej, jakija nie sprabavali vučyć tuju ci inšuju movu. Praces dosyć składany i nie kožny zmoža avałodać choć adnoj zamiežnaj movaj daskanała. Z raźvićciom kampjutarnych technałohij usio bolš źjaŭlajecca prahram, jakija dapamahajuć vučyć zamiežnyja słovy. A ciapier, kali smartfony i płanšety dastupnyja kožnamu karystalniku rabić heta možna ŭ lubym miescy i ŭ luby čas. I vybrać tut sapraŭdy jość z čaho. Za toj čas, kali ŭ mianie źjaviłasia pieršaja pryłada na Android takich prahram ja ŭstalavaŭ vielmi šmat. Niekatoryja padabalisia bolš, a niekatoryja mienš. Majo ŭjaŭleńnie, jakaja pavinna być prahrama dla navučańnia zamiežnych słoŭ źmianiłasia ŭ minułym hodzie, kali ja ŭbačyŭ prahramu Language Drops. Uraziŭ sam padychod da navučańnia.
U hetym artykule ja apišu, jak pabudavany praces navučańnia. Adrazu skažu, što ŭsio zroblena vielmi łahična i navat maja šaścihadovaja dačka vielmi palubiła hetu cudoŭnuju prahramu.
Spasyłki na ŭstalavańnie prahramy možna znajści na chatniaj staroncy Language Drops. Jana moža pracavać na Android abo iOS. Ščyra kažučy nie zrazumieła, čamu raspracoŭščyki nie zrabili viersiju dla braŭziera kampjutara, kab z prahramaj možna było pracavać nie tolki na mabilnych apieracyjnych sistemach.
Paśla pampavańnia pierad vami źjavicca z hustam zrobleny interfiejs, jaki padzieleny na tematyčnyja raździeły.
Vybirajem temu «Food» i pačynajem vyvučeńnie słoŭ…
Prosta ciahniem słova da słušnaha vidarysa…
A tut nieabchodna prosta sabrać słova…
Nu a tut źbirajem słova z prapanavanych «kropielek»
Takim čynam, praces zapaminańnia novych słoŭ pabudavany na prostym vizualnym uzajemajedziejańni pamiž vami i prahramaj.
Niekalki słoŭ pra režym Dojo, raździeł «Kalekcyja» i «Profil» prahramy.
Dojo — heta režym, jaki dazvalaje «prahnać» słovy ŭ jakich vy časta pamylalisia. Vielmi efiektyŭna i zručna! Vy možacie ŭ razy pavialičyć jakaść svajho navučańnia.
Adkryŭšy raździeł «Kalekcyja» vy ŭbačycie pierad saboju słovy, jaki adpaviadajuć tamu ci inšamu raździełu. Možna ź lohkaściu paŭtaryć słovy, jaki vy vučyli raniej i mahčyma ŭžo nie pamiatajecie.
Raździeł «Profil» dazvalaje naładzić prahramu pad siabie. Vybrać ci ahučvać słovy, składanaść raździełaŭ, rodnuju movu, a taksama ŭklučyć sinchranizacyju pamiž pryładami.
Praca prahramistaŭ i linhvistaŭ nie źjaŭlajecca biaspłatnaj. U niezarehistravanaj viersii prahramy vy možacie vučyć słovy tolki 5 chvilin štodzień. Viadoma, što naličvajuć bonusnyja chviliny z prapanovaj zrabić rekłamu prahramy abo ŭ jakaści padarunka.
Majo ścipłaje mierkavańnie nie pretenduje na apošniuju instancyju, ale mnie prahrama zdajecca vielmi kaštoŭnaj. Jana maje vizualnaje ŭzajemadziejańnie, nie naviazvaje siabie hruvastkimi testami i składanym interfiejsam. Usio prosta i zrazumieła!
Nu i karystajučysia mahčymaściu chaču źviarnucca da ŭsich tych, kamu nie abyjakavy los rodnaj movy. Ja pisaŭ zapyt z prośbaj dadać biełaruskuju movu, ale mnie admovili ŭ hetym spasłaŭšysia, što biełaruskaja mova nie źjaŭlajecca pryjarytetnaj i tolki, kali zapytaŭ dadać jaje budzie dastatkova šmat, to jany razhledziać takuju mahčymaść. Dyk davajcie ž pakažam, što biełarusy lubiać i šanujuć svaju rodnuju movu!
Kab adpravić zapyt nieabchodna zajści ŭ Language Drops -> Profile -> Help i nacisnuć značok ź plusikam ŭ nižniaj častcy vašaj pryłady.
