13 studzienia prajšła Kaladnaja Jalinka ŭ biełaruskim pravasłaŭnym katedralnym sabory BAPC Śv. Kiryły Turaŭskaha ŭ Ńju-Jorku. Mierapryjemstva było padrychtavana Ńju-Jorkskim adździełam Biełaruska-Amerykanskaha Zadzinočańnia (BAZA) i parafijanami saboru Śv. Kiryły Turaŭskaha. Impreza sabrała biełarusaŭ z roznych vakolicaŭ Ńju-Jorku, i što asabliva pryjemna, mnohija pryjechali ź dziećmi.
Zianon Paźniak
Usich haściej čakała cikavaja i nasyčanaja prahrama sa śviatočnaj viačeraj, batlejkaj, kaladavańniem i Śviaty Mikałaj z padarunkami.Impreza pačałasia z batlejki «Kaladnaja Zorka», jakuju padrychtavali aktyvisty BAZA sumiesna z parafijanami saboru Śv. Kiryły Turaŭskaha.
Dziakujem usim, chto spryčyniŭsia da stvareńnia hetaj pastanoŭki: Taćcianie Krasoŭskaj, Raścisłavu Haroška, Alenie Prakop i Ińnie Holik, Natalli Fiedarenka, Jury Zekavu i Alehu Apleviču. Asablivaja padziaka talenavitaj mastačcy Natalli Sarahaviec, jakaja zrabiła lalek dla našaj batlejki, i našym aktoram: Alenie Prakop, Ińnie Holik, Siarhieju i Uładzimieru Kudzieličam, Siarhieju Žuru, Vadzimu Uładzimiroviču, Alehu Charkaŭcu! Asnoŭnuju častku imprezy vioŭ hałoŭny kaladoŭščyk Biełarusi, a zaraz i Ameryki, lidar hurta «Vuraj», arhanizatar «Śpieŭnych schodaŭ», etnohraf Siaržuk Doŭhušaŭ. Razam sa spadarom Sieržukom usie hości pieranieślisia ŭ atmasferu sapraŭdnaha Kaladnaha Viečara: sustrakali kaladoŭščykaŭ, častavali ich, śpiavali, vadzili karahody i hulali ŭ kaladnyja hulni.
Kaladnyja śpievy taksama byli padrychtavanyja carkoŭnym choram saboru Śv. Kiryły Turaŭskaha pad kiraŭnictvam Ałły Orsa-Ramano. A pry kancy viečara da haściej zavitaŭ Śviaty Mikałaj, jaki z radaściu słuchaŭ maleńkich talentaŭ i ščodra adorvaŭ ich za ščyryja vystupy.
Taksama chočam padziakavać usim, chto dapamahaŭ u arhanizacyi i praviadzieńni Kaladnaj Jalinki! Ludziej, jaki zrabili svoj uniosak było sapraŭdy šmat! Dziakujem Hańnie Šydłovaj, Taćcianie Burak, Hańnie Saračynskaj, Śviatłanie Kazačok, Hańnie Surmač, Siarhieju Saraviec, Uładzimieru Karatkieviču, Valžynie Łojka i inš.
Asobna dziakujem staršyni Ńju-Jorkskaha adździeła — Siarhieju Kudzieliču! Za dobrym kiraŭnikom idzie dobraja kamanda!
