112.by
Paviedamleńnie ab pažary ŭ kvatery na vulicy Kamiennahorskaj pastupiła vyratavalnikam 13 studzienia ŭ 15.03, telefanavali susiedzi. Kali rabotniki MNS prybyli na miesca, połymia vybivałasia z akna kvatery na druhim paviersie. Pažar byŭ chutka likvidavany, piša 112.by.
«Jak vyśvietliłasia, troje chłopčykaŭ, 9, 10 i 12 hadoŭ, znachodzilisia adny doma. Baćka byŭ na pracy, a maci pajechała pa svaich spravach, — raspaviali va ŭpraŭleńni. — Chłopcy vyrašyli pryhatavać bulbu fry, pastavili rondal na elektraplitu i nalili alej. Toj uspychnuŭ, i starejšy chłopčyk staŭ zalivać połymia vadoj. Ad hetaha połymia pavialičyłasia i pierakinułasia na ścieny i firanki». Paviedamić maci i ŭ słužbu MNS jany nie zmahli, spałochalisia i ŭciakli na vulicu, što i vyratavała im žyćcio.
Ratavalniki nahadvajuć, što pakidać dziaciej biez nahladu kateharyčna nielha. «Pamiatajecie, što za pakidańnie dziciaci ŭ niebiaśpiecy praduhledžana kryminalnaja adkaznaść u adpaviednaści z art. 159. Zachoŭvać zapałki i zapalnički treba ŭ niedastupnych dla dziaciej miescach. Nielha dazvalać im samastojna karystacca hazavymi i elektryčnymi pryborami, tapić piečy. Treba rastłumačyć, što u vypadku ŭźniknieńnia pažaru nieabchodna vybiahać na vulicu i ni ŭ jakim razie nie chavacca», — adznačyli va ŭpraŭleńni.
