Padklučycca da hramadskaj sietki Free Wi-Fi Minsk nieŭzabavie atrymajecca na płoščy Svabody, a taksama ŭ rajonie Pałaca sportu i na 12 stancyjach minskaha mietro. Pra heta paviedamlaje Tut.by sa spasyłkaj na «Dziełavuju sietku».
Punkty dostupu buduć pracavać u dvuch dyjapazonach — 2,4 i 5 Hhc. Mahčymaść padklučeńnia ŭ dyjapazonie 5 Hhc dazvolić «istotna pavysić uzrovień absłuhoŭvańnia». Kanały ŭ dyjapazonie 2,4 Hhc pierahružanyja, uzrovień prymanaha sihnału na hetaj častacie na pryładach karystalnikaŭ źnižajecca.
Ciapier sietka Free Wi-Fi Minsk pracuje na stancyjach mietro «Kastryčnickaja» i «Kupałaŭskaja». Da červienia hetaha hoda jana taksama stanie dastupnaja na stancyjach «Piatroŭščyna», «Płošča Lenina», «Uručča», «Aŭtazavodskaja», «Pieršamajskaja» i «Niamiha». U druhoj pałovie hoda punkty dostupu pastaviać na stancyjach «Płošča Jakuba Kołasa», «Akademija navuk», «Mahiloŭskaja» i «Kamiennaja Horka».
