«U piatnicu ŭ škole paviesili abjavu pra toje, što ŭ paniadziełak nie budzie aciapleńnia, ale navučalny praces nichto nie admianiaŭ. Pry jakoj tempieratury zajmajucca dzieci — zdahadacca nie składana», — aburalisia baćki.
Namieśnica dyrektara pa navučalnaj pracy, jakaja časova vykonvaje abaviazki dyrektara, Taćciana Malinoŭskaja, paviedamiła «Našaj Nivie», što ŭ škole sapraŭdy jość prablemy z aciapleńniem:
«Pra toje, što 14 studzienia ŭ našaj ustanovie budzie adklučana aciapleńnie, miascovyja ciepłavyja sietki nam paviedamili jašče ŭ piatnicu. My papiaredzili baćkoŭ pra mahčymaść takoj situacyi ŭ suviazi z avaryjnymi pracami. Było dazvolena pakinuć doma školnikaŭ, jakim heta pryniasie dyskamfort, — ź ich nichto nie budzie patrabavać dakumient za propusk u hety dzień. Tym ža, chto pryjšoŭ na zaniatki, my dazvolili nie zdymać vierchniuju vopratku. Ale ŭsie dzietki zajmajucca bieź jaje, ja sama siadžu ŭ kabiniecie ŭ adnoj koftačcy».
Taćciana Malinoŭskaja.
Pa našaj prośbie Taćciana Malinoŭskaja razam z zahadčykam haspadarki źmierała tempieraturu ŭ školnych kabinietach: amal va ŭsich jana skłała 21 hradus, u dvuch — 19 hradusaŭ ciapła (pry sanitarnych normach — nie nižej za 18-20 hradusaŭ dla navučalnych pamiaškańniaŭ), ale ź ich školnikaŭ pieraviali ŭ inšyja kabiniety.
«Što tyčycca spartyŭnaj zały, to ciapier pa płanie ŭ nas łyžnaja padrychtoŭka, dzieci ŭ lubym vypadku znachodziacca na vulicy, a nie ŭ pamiaškańni», — udakładniła Malinoŭskaja.
Administracyja zapeŭniła, što škoła pracuje ŭ zvyčajnym režymie, chvalavacca niama čaho. U svaju čarhu, ciepłasietki abiacali, što aciapleńnie źjavicca ŭ rajonie abiedu.
