Kiraŭnik tureckaha MZS Mieŭlut Čavušahłu adkazaŭ amierykanskamu prezidentu Donaldu Trampu nakont sankcyj u vypadku napadu Turcyi na siryjskich kurdaŭ. Pra heta paviedamlaje NTV.
Pavodle jaho słoŭ, stratehičnyja partniory nie abmiarkoŭvajuć pytańni ŭ sacsietkach.
«My bačym, što na Trampa akazvajecca vialiki cisk z tym, kab jon nie vyvodziŭ vojski ź Siryi, i jon znachodzicca ŭ niaprostaj situacyi», - skazaŭ Čavušahłu.
Jon jašče raz padkreśliŭ, što abmierkavańnie takich tem nie pavinna adbyvacca ŭ sacsietkach, i dadaŭ, što supracoŭnictva z kurdami nikudy nie pryviadzie.
«ZŠA i ŭsie astatnija krainy pavinny pakazvać dastatkovuju pavahu da Turcyi», - skazaŭ na zakančeńnie Čavušahłu