Bank Anhlii admoviŭ uradu prezidenta Vieniesueły Nikałasa Madury ŭ viartańni załatych źlitkaŭ na sumu 1,2 miljarda dalaraŭ. Pra heta stała viadoma Bloomberg.
Na rašeńnie Banka Anhlii paŭpłyvała pazicyja ZŠA. U pryvatnaści, dziaržsakratar Majk Pampiea i daradca prezidenta ZŠA pa nacbiaśpiecy Džon Bołtan zaklikali brytanski bok dapamahčy «adłučyć režym Madura ad jaho zamiežnych aktyvaŭ».
U toj ža čas ułady ZŠA sprabujuć pieradać zamiežnyja aktyvy lidaru apazicyi Chuanu Huajdo, jaki abviaściŭ siabie časovym prezidentam. Na dumku Vašynhtona, heta dazvolić palityku bolš efiektyŭna kantralavać urad.
Załatyja źlitki, jakija zachoŭvajucca ŭ Łondanie, składajuć vialikuju častku ad vaśmi miljardaŭ dalaraŭ Vieniesueły ŭ zamiežnych reziervach. Miescy zachoŭvańnia inšych aktyvaŭ ustanavić praktyčna niemahčyma. Viadoma, što častka aktyvaŭ moža znachodzicca ŭ Turcyi, i ZŠA majuć namier pierakanać Ankaru pierastać być kanałam dla pastavak zołata.
