Incydent adbyŭsia 23 studzienia kala 19:00 na aŭtobusnym prypynku kala zavoda paraškovaj mietałurhii. Žančyna z unukam čakali znajomaha, piša mlyn.by
54-hadovy pjany mužčyna padyšoŭ i paprasiŭ zapałak. Paciarpiełaja adkazała, što zapałak niama i atrymała dva ŭdary ŭ tvar.
Na prypynku stajali ludzi, ale nichto nie ŭmiašaŭsia i nie abaraniŭ žančynu. Pakul jana vyklikała milicyju, padazravany sieŭ u aŭtobus i źjechaŭ.
Raskryć złačynstva dapamahli kamiery videanazirańnia — niedaloka ad prypynku znachodzicca handlovy centr.
Mužčyna pracuje na adnym z pradpryjemstvaŭ horada. Sam jon tłumačyć, što padrabiaznaściaŭ incydentu na prypynku nie pamiataje, pakolki byŭ pjany. Matyvu ździajśnieńnia złačynstva patłumačyć nie moža. Ciapier jon u izalatary.
Zdaroŭju paciarpiełaj ničoha nie pahražaje.