Kredytavańnie dziaržaŭnych prahram i mierapryjemstvaŭ u Biełarusi u 2019 hodzie praduhledžana ŭ abjomie Br800 młn, što na 35,5% nižej za ŭzrovień 2018 hoda.
Pra heta havorycca ŭ dakładzie namieśnika staršyni praŭleńnia Nacyjanalnaha banka Siarhieja Kalečyca na pašyranym pasiadžeńni praŭleńnia, apublikavanym na sajcie Nacbanka, piša BiełTA.
Pa słovach Siarhieja Kalečyca, uzrovień dziełavoj i inviestycyjnaj aktyŭnaści ŭ Biełarusi u 2018 hodzie abumoviŭ rost abjomu kredytavańnia ekanomiki bankami i Bankam raźvićcia na 15,7%, u tym liku ŭ biełaruskich rublach — na 20%. Pry hetym abjom kredytavańnia ŭ ramkach dziaržaŭnych prahram skaraciŭsia. Udzielnaja vaha zapazyčanaści pa takich kredytach z pačatku hoda pamienšała na 4,5 adsotkavaha punkta i na 1 śniežnia 2018 hoda skłała 31,2%.
