U piatnicu, 25 studzienia, šerah navinavych resursaŭ paviedamiŭ, što ŭ Biełarusi nibyta zabaronienyja vyjavy kanoplaŭ. Usie jany spasyłalisia na adpaviednaje śćvierdžańnie Piatra Markiełava, aktyvista ruchu «Lihałajz Biełaruś». A jon pačuŭ takuju infarmacyju ad «pradstaŭnikoŭ MUS i Mininfarma» u sudzie, na jakim imknuŭsia asprečyć błakiroŭku svajho resursa.
Aktyvist Piatro Markiełaŭ, jaki zajmajecca ŭ Biełarusi prasoŭvańniem lehalizacyi marychuany
«Pradstaŭniki MUS skazali, što na vyjavach [na sajcie] prysutničaje liście kanoplaŭ, i što na fota dzieci iduć kala našaha pikietu, i što na fota jość ja ŭ majcy z vyjavaj kanoplaŭ. I na našaje pytańnie — dyk a dzie prapahanda? — adkazali, što naš sajt ahułam prapahandyscki, a kankretna prapahandaj źjaŭlajucca hetyja vyjavy na skrynšotach. Pradstaŭnica Mininfarma kazała, što lubyja vyjavy narkotykaŭ prapahandujuć ich užyvańnie, kali tam ža ž nie ŭtrymlivajecca papiaredžańnie ab kryminalnaj adkaznaści za ŭžyvańnie [jurydyčna ŭžyvańnie ŭ Biełarusi nie zabaroniena — «NN»]», — zajaviŭ Piatro Markiełaŭ u kamientary The Village.
«Naša Niva» źviarnułasia ŭ Ministerstva infarmacyi z prośbaj rastłumačyć, ci capraŭdy vyjavy kanoplaŭ zabaronienyja, jakim aktam hetaje pytańnie rehulujecca, kali jon pryniaty, ci maje zvarotnuju siłu i jakaja praduhledžana adkaznaść za parušeńnie.
Namieśnik ministra Pavieł Lohki źniapraŭdziŭ śćvierdžańnie, što ŭ Biełarusi zabaronienyja vyjavy kanoplaŭ i pierakonvaje, što historyja adbyłasia nie tak, jak padaje inšy bok.
«Juryst Ministerstva infarmacyi paśla zaviaršeńnia niervovaha suda vykazała svoj asabisty pohlad na situacyju. Dumka była takaja: jość krainy, dzie vyjava narkatyčnych srodkaŭ abo raślin supravadžajecca markiroŭkaj uzrostavaha cenzu. Jana skazała, što i Biełarusi, mahčyma, varta pryhledziecca da suśvietnaha dośviedu i supravadžać takija vyjavy ŭkazańniem na niebiaśpiečnaść», — skazaŭ Lohki.
