Fota SK
Pieryjad «dziejnaści» 34-hadovaha žychara Połacka adnosicca da lutaha 2016 — listapada 2017 hoda.
Mužčyna, jaki pracuje na adnym z pryvatnych pradpryjemstvaŭ horada, prapanoŭvaŭ ludziam svaje pasłuhi pa budaŭnictvie i rekanstrukcyi abjektaŭ nieruchomaści, nabyćci i dastaŭcy budmateryjałaŭ. Pry hetym vykonvać uziatyja abaviazacielstvy jon nie źbiraŭsia. Dla bačnaści vykonvaŭ niaznačnyja abjomy rabot, a taksama składaŭ dla spravazdačnaści niepraŭdzivyja dakumienty ab ich vidach i abjomie, niedakładnyja tavarna-transpartnyja nakładnyja. Naprykład, z adnym z klijentaŭ (pryvatnym pradpryjemstvam) damoviŭsia ab pastaŭcy armatury z umovaj apłaty pa fakcie pastaŭki. Adnak paśla atrymańnia tavaru hrošy tak i nie byli pieraviedzieny pradaŭcu.
Usiaho ad dziejańniaŭ fihuranta paciarpieli siem hramadzian i tavarystva z dadatkovaj adkaznaściu. Złamyśnik paśpieŭ atrymać ad ich častku z płanavanych 119 tys. rubloŭ.
