Pieramovy pa pryjarytetach partniorstva Biełarusi i Jeŭrapiejskaha sajuza, a taksama pa pahadnieńniach ab spraščeńni vizavych pracedur i readmisii vyjšli na zaviaršalnuju stadyju. Pra heta havorycca ŭ ahladzie vynikaŭ źniešniaj palityki Biełarusi i dziejnaści MZS u 2018 hodzie.
«Na zaklučnuju stadyju vyviedzienyja pieramovy pa pryjarytetach partniorstva Biełaruś — ES, jakija stanuć darožnaj kartaj supracoŭnictva na 2019-2020 hady ŭ čatyroch abłaściach: umacavańnie sistemy dziaržaŭnaha kiravańnia; ekanamičnaje raźvićcio i rynkavyja mahčymaści; transpartnyja kamunikacyi, enierhietyka, ekałohija i klimat; kantakty pamiž ludźmi. U zaviaršalnuju stadyju ŭstupili pieramovy ź ES pa pahadnieńniach ab spraščeńni vizavych pracedur i readmisii», — adznačajecca ŭ ahladzie.
Ahułam u MZS adznačajuć zachavańnie pazityŭnaj dynamiki ŭ adnosinach ź Jeŭrapiejskim sajuzam.
