«Naša Niva» źviarnuła ŭvahu na vypusk prahramy «Pole cudaŭ» za 1 lutaha, jakoje retranślavałasia ŭ Biełarusi telekanałam ANT. Heta šou zajmaje pieršyja radki ŭ rejtynhu samych papularnych prahram biełaruskaha telebačańnia. Taksama jano zvyšpapularnaje i ŭ Rasii.
Dyk što tam admietnaha?
Tam była ŭdzielnica ź Biełarusi — Valancina Žolik z Žodzina, razam z unučkaj.
Valancina Žolik vyjhrała svoj raund, adhadaŭšy słova «taburiet»
Unučka tradycyjna pakazała tvorčy numar — praśpiavała pieśniu pa-biełarusku.
A sama Valancina pa-biełarusku źviarnułasia da hledačoŭ.
«Pavažanyja žodzincy, lubimyja siabry, usie, chto viedaje mianie, usich vinšuju z prahramy «Pole cudaŭ». Žadaju ŭsim mocnaha zdaroŭja, ščaścia i dabrabytu. Usim pryviet!» — skazała Valancina Žolik.
«Naša Niva» raspytała žančynu, rabiła jana heta ščyra abo jaje chto paprasiŭ.
«Rabiła ščyra, ja ŭžo na piensii, nijakich ideołahaŭ vakoł mianie niama. A čamu skazała? Nu dyk ja ž biełaruska. Pavinny ž my niečym ad ruskich adroźnivacca», — zapeŭniła Valancina.
U siamji, pavodle žančyny, jany havorać «i tak, i tak».
A voś pieśnia ad jaje ŭnučki:
