U Drahičynskim rajonie 17-hadovy biaspraŭnik, uciakajučy ad DAI, zładziŭ avaryju z patrulnym aŭtamabilem, paviedamlaje DAI.
Supracoŭniki DAI Drahičynskaha RAUS viečaram 3 lutaha dziažuryli na darozie Mikick — Zavieršša. Pablizu adnoj ź viosak u pole zroku inśpiektaraŭ trapiŭ aŭtamabil «Nisan». Zaŭvažyŭšy patrulnuju mašynu, kiroŭca raptam spyniŭsia i pahasiŭ śvietłavyja prybory, ale praź niekalki chvilin praciahnuŭ ruch.
Pravaachoŭniki vyrašyli spynić lehkavik, adnak chłopiec praihnaravaŭ patrabavańni i pasprabavaŭ źniknuć. Uklučyŭšy majački, inśpiektary stali pieraśledavać parušalnika. Pry pavarocie kiroŭca «Nisana» sutyknuŭsia z patrulnym aŭtamabilem, ale praciahnuŭ jechać dalej. Nieŭzabavie darožnaha chulihana zatrymali. Im akazaŭsia 17-hadovy miascovy žychar, jaki nie maje paśviedčańnia kiroŭcy.
Na chłopca skłali 5 pratakołaŭ.
