Apošnija hady muziej Vasila Bykava na vulicy Savieckaj pieražyvaŭ nie najlepšyja časy z-za adsutnaści sponsaraŭ. U pačatku 2019 hoda stała viadoma, što jon začyniajecca, a bahataja ekspazicyja pierajazdžaje ŭ muziej Maksima Bahdanoviča, piša Hrodna.life.
Muziej praisnavaŭ kala 20 hadoŭ, jon znachodziŭsia ŭ pakoi płoščaj 15 kvadratnych mietraŭ na vulicy Savieckaj. Haradžanie ŭ muziei byvali redka, bo pra jaho amal nichto nie znaŭ i papularyzacyjaj nichto nie zajmaŭsia. A pahladzieć tam było na što: vialikaja kalekcyja knih Bykava, asabistyja rečy piśmieńnika, redkija zdymki i inšaje.
«Trapić u muziej užo nielha, my začynilisia, — raspaviadaje były buchhałtar muzieja Jaŭhienija Bahdanava. — Usiu ekspazicyju pieravozim u muziej Maksima Bahdanoviča. Zachvareŭ naš nahladčyk, lažyć. Płacić arendu i kamunalnyja pasłuhi nam prosta było niama čym. Dziaržava nie dapamahała, u miesiac u nas vychodziła 90 rubloŭ. My chadzili ŭ vykankamy pa dapamohu, ale ničoha nie damahlisia».
Adzin z ekspanataŭ byłoha muzieja Vasila Bykava ŭ Hrodnie.
Płanujecca, što ŭ muziei Maksima Bahdanoviča ekspazicyja pryśviečanaja Vasilu Bykavu adkryjecca viasnoj.
Viadomy biełaruski piśmieńnik Vasil Bykaŭ pražyŭ u Hrodnie bolš za 20 hadoŭ i napisaŭ tut šmat tvoraŭ, jakija čytajuć i šanujuć va ŭsim śviecie.
