Trahiedyja zdaryłasia kala vyratavalnaj stancyi na miescy, dzie Viedryč upadaje ŭ zatoku Dniapra. U 12.57 pastupiŭ sihnał, što dvoje rybakoŭ pravalilisia pad lod.
Ratavalniki, što apieratyŭna prybyli na miesca zdareńnia, zdoleli dapamahčy adnamu ź ich. Na pavierchniu vyciahnuli i druhoha rybaka, ale, na žal, vyratavać jaho žyćcio nie ŭdałosia. U momant trahiedyi jon byŭ biez vyratavalnaj kamizelki. Pryčyna śmierci vyśviatlajecca. Heta mahli być jak pieraachaładžeńnie, tak i prablemy z sercam.