Śvietłahorac paznajomiŭsia ź dziaŭčynaj i zaprasiŭ jaje ŭ hości. U novaj znajomaj było z saboj śpirtnoje. Para vypiła, a zatym pakłałasia spać. Ranicaj mužčyna pabačyŭ, što spadarožnica pakinuła jaho biez papiaredžańnia, pryčym prychapiŭšy z saboj manitor. Jon źviarnuŭsia ŭ milicyju. Na miesca zdareńnia prybyła śledča-apieratyŭnaja hrupa. Ekśpiert vyjaviŭ na adnoj z šklanak ślady ruk.
— Ich pravieryli pa bazie dadzienych, padčas čaho była ŭstanoŭlena asoba dziaŭčyny. Praź niekalki hadzin jaje zatrymali, i nieŭzabavie jana davała pakazańni ŭ kabiniecie śledčaha, dzie patłumačyła, što jaje muž užo zdaŭ manitor u łambard, — raspaviali va Upraŭleńni Dziaržaŭnaha kamiteta sudovych ekśpiertyz Biełarusi pa Homielskaj vobłaści.
Śledstva vyjaviła, što, pračnuŭšysia kala 2 hadziny nočy, hościa ŭziała manitor, pieraapranułasia ŭ adzieńnie žonki paciarpiełaha (jaje adzieńnie było znojdziena na miescy złačynstva) i vyjšła z kvatery, paśla čaho, pryjšoŭšy dadomu, pakinuła manitor u vitalni i pakłałasia spać. Muž pračnuŭsia i ŭbačyŭšy «zdabyču», zdaŭ manitor u łambard za 10 rubloŭ.
U dačynieńni da dziaŭčyny zaviedziena kryminalnaja sprava pa artykule za tajemnaje vykradańnie majomaści.
