«Naša Niva» publikuje abnoŭleny rejtynh papularnaści infarmacyjnych internet-resursaŭ — za studzień 2019 hoda.

fota shutterstock.com

fota shutterstock.com

Hety śpis bazujecca na adkrytych źviestkach partała Similarweb.com. Jon dazvalaje lubomu achvotnamu daviedacca pra papularnaść sajta i ŭbačyć, kolki karystalnikaŭ jaho adkryvali za minuły miesiac i kolki staronak u siarednim jany čytali. Kali pieramnožyć hetyja ličby, atrymajecca kolkaść prahledžanych staronak. Naprykład, pavodle Similarweb, za studzień «Naša Niva» mieła 6,26 miljona prahladaŭ.

Dadzienyja inšych ličylnikaŭ mohuć adroźnivacca, naprykład, Google Analytics naličyŭ «NN» 8,6 miljona prahladaŭ.

Dadzienyja ad Similarweb.com bolš dakładnyja dla bujnych partałaŭ, ź mienšymi sajtami imaviernaść statystyčnaj pamyłki pavialičvajecca. Taksama sistema nie ŭličvaje prahlady tak zvanych AMP-staronak.

Ułaśniki niekatorych sajtaŭ dałučajuć da svajho profila ŭ Similarweb akaŭnt Google Analytics. U takim razie možna pahladzieć dadzienyja ab prahladach ad abiedźviuch sistem. Adnak rejtynh my farmirujem tolki pa ličbach ad Similarweb.

My raznosim dadzienyja z Similarweb u piać słupkoŭ. Što jany aznačajuć?

Vizity (sieansy) uličvajuć kožny ŭvachod na sajt kožnaha karystalnika. Kali ŭ studzieni vy zachodzili na «NN» kožny dzień, sistema musić padličyć 31 vizit.

Nastupny słupok — prahlady staronak za vizit. Jon pakazvaje, kolki navinaŭ vy adkryvajecie adna za adnoj. U «NN» hety pakazčyk samy vysoki z usich miedyja, jakija trapili ŭ rejtynh.

Prahlady staronak — heta pieramnožany vynik vizitaŭ i prahledžanych staronak za vizit. Pa hetym pakazčyku my i ranžyrujem sajty.

Varta źviartać uvahu na dolu admovaŭ. Časam karystalnik vypadkova traplaje na sajt pa zamanlivaj spasyłcy — naprykład, z sacsietak ci z pošukavika. Adkryvaje na niekalki siekund materyjał i, rasčaravany, adrazu sychodzić. Farmalna vizit na sajt byŭ, ale vartaść takoha prahladu nižejšaja, čym ad pastajannaha čytača.

Inšy važny pakazčyk — dola vizitaŭ ź Biełarusi. Kali ŚMI maje mienš za pałovu vizitaŭ ź Biełarusi, to ci varta ličyć jaho biełaruskim? U naš rejtynh takija miedyja nie trapili. U studzieni zavialikaja dola rasijskaha trafiku była ŭ «Salidarnaści», Ej.by, STB, «Interfaksa».

Dla navinovaha składniku Tut.baja i Anłajniera padrabiaznaja statystyka nie pryvodzicca, bo jaje niama ŭ ahulnym dostupie. Ličba prahledžanych staronak u ich vypadku — suma prahledžanych staronak u kožnym z padraździełaŭ.

U rejtynh uklučanyja sajty, jakija majuć bolš za 1 miljon prahledžanych staronak za miesiac.

Srodak masavaj infarmacyi prahlady staronak (u miljonach) vizity (u miljonach) prahlady staronak za vizit dola admovaŭ dola vizitaŭ ź Biełarusi
1 Navinnyja padraździeły Tut.by — naviny, finansy, aŭto, sport, ledzi, 42, nieruchomaść, afiša 102,14
2 Navinnyja padraździeły Onliner.by — ludzi, nieruchomaść, aŭto, technałohii 42,45
3 Kp.by / Komsomolskaja pravda v Biełarusi 7,57 2,35 3,22 59% 78%
4 Pressball.by / Priessboł 6,34 1,75 3,62 45% 83%
5 NN.by / Naša Niva 6,26 1,72 3,64 45% 80%
6 Sb.by / SB. Biełaruś Siońnia 6,24 2,26 2,76 66% 58%
7 Belaruspartisan.by/ Biełorusskij partizan 5,45 1,74 3,13 54% 74%
8 Belta.by / BiełTA 5,23 2,42 2,16 57% 72%
9 Naviny.by / Naviny 4,23 2,24 1,89 71% 67%
10 Sputnik.by / Sputnik Biełaruś 4,17 2,76 1,51 71% 51%
11 By.tribuna.com / Trybuna 4,11 1,28 3,21 48% 83%
12 S13.ru (Hrodna) 3,62 1,20 3,02 44% 91%
13 Udf.by 3,27 1,03 3,17 58% 82%
14 Gomel.today / Silnyje Novosti (Homiel) 2,67 0,96 2,79 59% 85%
15 Virtualbrest.by / Virtualnyj Briest 2,21 0,62 3,57 37% 94%
16 Citydog.by 2,18 1,02 2,14 65% 82%
17 Intex-press.by / Inteks-pres (Baranavičy) 2,05 1,08 1,9 75% 57%
18 Tvr.by / Biełteleradyjokampanija 2,04 0,96 2,11 58% 89%
19 Belsat.eu / Biełsat 1,63 0,82 1,99 64% 66%
20 Svaboda.org / Radyjo Svaboda 1,41 0,67 2,1 63% 79%
21 Kyky.org 1,41 0,86 1,63 79% 62%
22 Euroradio.fm / Jeŭraradyjo 1,17 0,81 1,44 81% 66%
Клас
0
Панылы сорам
0
Ха-ха
0
Ого
0
Сумна
0
Абуральна
0