Pieršaja rasijskaja kiravanaja ekśpiedycyja pavinna adpravicca na Miesiac u 2031 hodzie, paśla čaho takija paloty prapanujecca pravodzić štohod, paviedamlaje RIA «Naviny» sa spasyłkaj na «Roskosmasa».
U 2032 hod płanujecca dastavić na spadarožnik Ziamli miesiacamabil (ciažki miesiacachod z mahčymaściu pieramiaščeńnia kasmanaŭtaŭ), a taksama ekipaž druhoj ekśpiedycyi, jaki zojmiecca «aprabavańniem srodkaŭ pieramiaščeńnia pa pavierchni».
Ekśpiedycyja 2033 hoda maje ździejśnić na miesiacamabili pajezdki na dalokija adlehłaści ŭ intaresach navukovych daśledavańniaŭ i pratestavać robatatechničnyja kompleksy.
Na 2034-2035 hod zapłanavanaje budaŭnictva miesiacovaj bazy.
Kožnuju ekśpiedycyju miarkujecca pravodzić za košt dvuch puskaŭ zvyšciažkaj rakiety - adna budzie vyvodzić na arbitu piłatavany karabiel, druhaja - uźlotna-pasadačny kompleks dla vysadki i nastupnaha startu ź Miesiaca, a taksama inšaje abstalavańnie.
«Raskosmas» kančatkova vyznačyŭ, što paloty da Miesiaca budzie ździajśniać rakieta-nośbit zvyšciažkoha kłasa «Jenisiej», na jakoj budzie vykarystoŭvacca ruchavik RD-180, jaki pastaŭlajecca ŭ ZŠA. U listapadzie 2019 maje być zavieršana jaje eskiznaje prajektavańnie. Pieršy pusk zapłanavany na 2028 hod.
