Hatunak IPA (India Pale Ale) źjaviŭsia ŭ Anhlii ŭ pačatku XIX stahodździa. Jaho varyli dla paddanych brytanskaj karony, jakija słužyli ŭ Indyi i pakutavali ad niedachopu čystaj pitnoj vady. Piva na Indastan dastaŭlali i raniej, ale jano časta akiślałasia ŭ pracesie transparciroŭki. Rašeńniem prablemy stała źjaŭleńnie hatunku IPA — bolš achmielenaha, jaki nie stračvaje smakavych jakaściaŭ padčas marapłaŭstva.
Koronet Light IPA atrymaŭ admietnuju harčynku i jarki vodar, pry hetym maje bolš miakki smak u paraŭnańni ź inšymi pradstaŭnikami hatunku. U vytvorčaści vykarystoŭvajecca technałohija «dry hopping», kali chmiel dadajecca na chałodnaj stadyi, heta značyć paśla zakisańnia. Dziakujučy hetamu jaho smak i vodar maksimalna pieradajucca pivu. U jakaści asnovy vykarystoŭvajecca brytanski hatunak chmielu Target, jaki daje napoju traviany i mandarynavy vodary. Dapaŭniaje kupaž amierykanski Ekuanot, jaki pryŭnosić pach trapičnaj sadaviny. Soład Pale Ale Malt z notkami arecha, akramia aŭtentyčnaha smaku, uzmacniaje załacistaje adcieńnie piva.
«Hatunak IPA ŭ kraftavoj liniejcy «Kalekcyja Majstra» karystajecca papularnaściu siarod znaŭcaŭ, adnak dla masavaha spažyŭca jaho smak moža być zanadta horkim. Tamu my prapanujem u liniejcy KORONET novy hatunak LIGHT IPA z panižanym pakazčykam horyčy (24 IBU ŭ paraŭnańni z 40 IBU ŭ «Kalekcyja Majstra. IPA») — adznačyła dyrektar pa markietynhu Iryna Kapiłava. — My spadziajomsia, što navinka dazvolić adkryć dla siabie brytanski hatunak IPA bolšaj kolkaści spažyŭcoŭ».
Koronet Light IPA ŭjaŭlaje saboj filtravany śvietły el macunkam 4,7%. Masavaja dola suchich rečyvaŭ składaje 10,6%, a pakazčyk horyčy ŭ navincy — 24 IBU. Navinka raźlivajecca ŭ brytanskuju pintu abjomam 0,568 ł, a ŭžyvać napoj rekamiendujecca pry tempieratury 12 hradusaŭ.
Nahadvajem, što praźmiernaje ŭžyvańnie piva škodzić vašamu zdaroŭju!
