Hatunak Kriek — vizitoŭka bielhijskaha pivavarstva. Hetaje lohkaje śvietłaje piva maje jarki saładkavaty smak, fruktovy vodar i lohkuju harčynku. Kab atrymaŭsia taki bukiet, vykarystoŭvajecca višnia.
Lidskaje Kriek jak pierajemnik bielhijskich tradycyj maje zbałansavany i vytančany smak. Jano pryhatavana z dadavańniem višniovaha soku. Novy hatunak rekamiendujecca ŭžyvać chałodnym — pry tempieratury nižej za 12 hradusaŭ. Adnak u chałodnyja dni višniovaje piva pry žadańni možna i padahreć: kali dadać cynamon i muskatny arech, to atrymajecca punš.
Ličycca, što višniovaje piva źjaviłasia jašče ŭ časy Siaredniaviečča. Pavodle lehiendy manach-kryžak, viarnuŭšysia ŭ rodnuju viosku paśla doŭhaha pachodu, vyrašyŭ usłavić Chrysta i zvaryć napoj, jaki nahadvaŭ by koler kryvi Zbaŭcy. Dla hetaha jon dadaŭ u piva samych śpiełych višań, jakija tolki zmoh adšukać. Atrymany napoj nastolki ŭsim spadabaŭsia, što bielhijcy pa hety dzień praciahvajuć varyć vytančany višniovy Lambic.
«Raniej biełarusy ŭžo mahli pakaštavać limitavanuju partyju Kriek. Cikavaść da jaje była vysokaj: my vyvučyli vodhuki, papracavali nad smakavymi ŭłaścivaściami i vyrašyli viarnuć hatunak z dapracavanym smakam: piva stała mienš sałodkim i bolš nasyčanym, źjaviłasia tradycyjnaja dla hetaha stylu kiślinka, — adznačyŭ hałoŭny pivavar kampanii «Lidskaje piva» Aleh Małachaŭ. — Vielmi važna, što my zapuskajem prodaž na styku chałodnaha i ciopłaha siezonaŭ, bo Lidskaje Kriek pryjemna ŭžyvać jak chałodnym viečaram, tak i haračym dniom. Tamu hurmany majuć mahčymaść acanić usie baki praduktu».
Nahadvajem, što praźmiernaje ŭžyvańnie piva škodzić vašamu zdaroŭju!
