Vice-prezident ZŠA Majk Piens zajaviŭ, što ZŠA praź piać hadoŭ adpraviać na Miesiac amierykanski ekipaž z žančynaj-astranaŭtam na borcie, paviedamlaje AFP.
«Dziaržaŭnaja palityka administracyi i ZŠA zaklučajecca ŭ tym, kab na praciahu nastupnych piaci hadoŭ viarnuć amierykanskich astranaŭtaŭ na Miesiac», — skazaŭ Piens.
Pavodle jaho słoŭ, u składzie budučaj misii budzie žančyna-astranaŭt.
«Dazvolcie mnie rastłumačyć, pieršaj žančynaj i nastupnym mužčynam na Miesiacy buduć amierykanskija astranaŭty, adpraŭlenyja na amierykanskaj rakiecie z amierykanskaj ziamli», — skazaŭ jon.
