20 krasavika ŭ vioscy Rahotna Dziatłaŭskaha rajona zdaryŭsia pažar. Z voknaŭ draŭlanaha budynka išoŭ husty dym. Na hanku siadzieŭ piensijanier. Mužčyna nie ŭśviedamlaŭ, što adbyvajecca. Pažarnyja adviali jaho ad pałajučaha budynka i likvidavali ŭzharańnie, paviedamlaje MNS.

Jak stała viadoma, u domie pražyvaje 75-hadovaja piensijanierka razam z 59-hadovym mužčynam. Jak patłumačyła haspadynia, mužčynu jana niekalki hadoŭ tamu prytuliła pa dabryni, pakolki ŭ jaho nie było domu. Napiaredadni pažaru jany vypili, potym žančyna pajšła ŭ kramu, a jon pryloh, zakuryŭ i zasnuŭ. Pračnuŭsia ad taho, što koška drapała łapaj pa tvary i vyjšaŭ na vulicu. Žyvioła nie vybrałasia z pałajučaha pamiaškańnia.

Ahniom paškodžany ściana, majomaść u pakoi.

Клас
Панылы сорам
Ха-ха
Ого
Сумна
Абуральна