U Niamieččynie pacyjentka kliniki, jakaja 27 hadoŭ znachodziłasia ŭ komie, pryjšła ŭ poŭnuju prytomnaść. Pra heta paviedamlaje Daily Mail.
Žycharka AAE Munira Abduła atrymała čerapna-mazhavuju traŭmu ŭ DTZ u 1991 hodzie, kali ŭ jaje mašynu niedaloka ad horada Al-Ajn urezaŭsia školny aŭtobus. U aŭtamabili taksama znachodziŭsia jaje syn Amar Vebier. Maci vyratavała jaho, zakryŭšy saboj. U chłopčyka byli tolki lohkija traŭmy.
Muniru špitalizavali ŭ miascovuju balnicu, zatym pieraviali ŭ Łondan, kab pastavić dyjahnaz. Daktary adznačali, što žančyna znachodzicca ŭ minimalnaj śviadomaści — stanie, padobnym na komu, pry jakim zachoŭvajecca ŭsprymalnaść da bolu. Paźniej jaje viarnuli ŭ AAE, dzie šmat hadoŭ karmili praz trubku i pravodzili fizijaterapiju.
U 2017 hodzie naśledny prync Abu-Dabi Machamied bien Zaid daviedaŭsia pra situacyju siamji Abduła i apłaciŭ lačeńnie Muniry ŭ Hiermanii. Praz hod Munira pačała pramaŭlać niekatoryja huki, a jašče praź niekalki dzion pračnułasia i skazała imia svajho syna.
Žančyna viarnułasia ŭ Abu-Dabi razam ź siamjoj i praciahvaje adnaŭlacca. Joj nieabchodnaja fizijaterapija dla lačeńnia atrafii ciahlic.
