Kanstytucyjny sud Łatvii pryznaŭ pieravod adukacyi nacmienšaściaŭ (pierš za ŭsio ruskich) u dziaržaŭnych i municypalnych škołach na łatyšskuju movu takim, što adpaviadaje Kanstytucyi, paviedamlaje Delfi.
Rašeńnie začytvali 2 hadziny. Pa słovach sudździ Sanity Osipavaj, treba było ŭsim usio rastłumačyć, kab pytańniaŭ užo nie zastavałasia. Jana pryznała, što sprava była adnoj z samych abjomnych i adčuvalnych u historyi Kanstytucyjnaha suda Łatvii.
Sud adznačyŭ, što vielmi važna abmiarkoŭvać usie rašeńni ŭ dačynieńni da nacmienšaściaŭ ź ich pradstaŭnikami nie tolki ŭ statusnych ustanovach, ale i ź niedziaržaŭnymi arhanizacyjami, i z prostymi hramadzianami. Kab ni ŭ kaho nie ŭźnikała sumnieńniaŭ u zakonnaści taho, što adbyvajecca.
Sud taksama adznačyŭ, što mižnarodnyja arhanizacyi vykazvajuć kłopat nakont situacyi. Adnak, jak udakładniŭ ambudsmien Jurys Jansans, u hetych arhanizacyj niama ŭsioj infarmacyi pra situacyju ŭ krainie. Taksama sud uziaŭ pad uvahu historyju Łatvii i źmianieńnie nacyjanalnaha składu krainy ŭ savieckija hady.
