Alaksandr Łukašenka 4 krasavika ŭžo viedaŭ, što Uładzimir Zialenski vyjhraje vybary va Ukrainie. Pra heta ŭ prahramie «Puls» na telekanale «112 Ukrajina» skazaŭ ukrainski palityk Viktar Miedźviadčuk, jaki taksama źjaŭlajecca kumam Uładzimira Pucina.
Viktar Miedźviadčuk.
«Nakont spadara Łukašenki, ź jakim ja sustrakaŭsia ŭ pačatku krasavika, ja tady zajaviŭ u intervju, što jon adziny, chto jašče, udumajciesia, dzieści ŭ pačatku, pieršaha sakavika zajaviŭ ab tym, što ŭ druhi tur vyjdzie Parašenka i Zialenski. Ja chaču vam skazać, što kali vy ŭspomnicie 1 sakavika i padnimiecie presu, nichto z palitykaŭ, palitołahaŭ i ekśpiertaŭ nie moh pradkazać, što heta budzie tak. Jon heta skazaŭ z upeŭnienaściu, i ja, darečy, pra heta potym zajaviŭ. i voś kali my ź im sustrakalisia, a ja pažartavaŭ, tamu što pres-słužba potym dała hetaje intervju, darečy, vaš kanał davaŭ nakont hetaj sustrečy, kali ja skazaŭ: «Ja zaraz sustrakajusia z Alaksandram Ryhoravičam, ja pieršy hramadzianin Ukrainy, jaki daviedajecca, chto budzie prezidentam va Ukrainie, tamu što Alaksandr Ryhoravič dakładna viedaje». Dyk voś, jon mnie tady skazaŭ, što heta budzie Zialenski, ale, naturalna, jon paprasiŭ, kab ja hetaha nie kazaŭ. I žurnalisty biełaruskija mianie pytalisia, i va Ukrainie, ja admoviŭsia havaryć, ale siońnia ja mahu skazać, što tady, na hetaj sustrečy 4 krasavika jon skazaŭ, što prezidentam budzie Zialenski», — reziumavaŭ jon.