Sud Armienii pryniaŭ rašeńnie aryštavać usiu majomaść i prybytki, akramia piensii druhoha prezidenta Armienii Robierta Kačarana.

Nakładzieny aryšt na ŭsiu majomaść i prybytki, akramia piensii. Heta majomaść nie była aceniena, ale praces acenki źjaŭlajecca abaviazkovym.

Śpiecyjalnaja śledčaja słužba Armienii 26 lipienia pradjaviła Kačaranu abvinavačańnie ŭ hvałtoŭnym źviaržeńni kanstytucyjnaha ładu ŭ 2008 hodzie. U toj ža dzień eks-prezidenta krainy dapytali ŭ miežach kryminalnaj spravy ab zabojstvach na pratestnych akcyjach apazicyi 1 sakavika 2008 hoda.

U 2008 hodzie armianskaja apazicyja na čale ź pieršym prezidentam Lavonam Ter-Pietrasianam, jaki bałatavaŭsia na prezidenckich vybarach, pravodziła ŭ centry Jerevana mitynhi, vykazvajučy niezadavolenaść vynikami hałasavańnia. Akcyi pratestu vylilisia 1-2 sakavika 2008 hoda ŭ sutyknieńni mitynhoŭcaŭ ź siłami pravaparadku, u vyniku jakich zahinuli dziesiać čałaviek, bolš za 200 byli paranienyja.

Клас
0
Панылы сорам
0
Ха-ха
0
Ого
0
Сумна
0
Абуральна
0