Fota sa staronki Hleba Rubanava ŭ FB.

Fota sa staronki Hleba Rubanava ŭ FB.

U 4.30 ranku 7 maja na chatni telefon IT-kansultanta Hleba Rubanava pazvaniŭ čałaviek, jaki pradstaviŭsia dziažurnym Savieckaha RUUS i paprasiŭ vyjści ŭ dvor, kab pravieryć, ci nie paškodžany jaho aŭtamabil, — nibyta zatrymali čałavieka, jaki hramiŭ mašyny. Z mašynaj było ŭsio ŭ paradku, a voś samoha Hleba siarod nočy zavieźli ŭ Saviecki RUUS da staršaha ŭčastkovaha Varaniščy, dzie paviedamili pra zatrymańnie da suda.

Raniej, 21 sakavika, Hleba Rubanava pa telefonie zaprašali na razmovu z nahody fłešmobu #iaekstremist u fejsbuku. Hleb Rubanaŭ u milicyju tady nie pryjšoŭ.

Fłešmob #iaekstremist byŭ raspačaty anarchistam i žurnalistam Mikołam Dziadkom. Udzielniki fłešmoba publikujuć u sacyjalnych sietkach svaje fotazdymki z materyjałami z anarchisckich resursaŭ, uniesienych u Respublikanski śpis ekstremisckich materyjałaŭ, i chešteham #iaekstremist #iaekstriemist. 

8 maja Rubanava vypuścili z Centra izalacyi pravaparušalnikaŭ (CIP). Sud pa jahonaj spravie pryznačany na 16 maja. Rubanaŭ zajaŭlaje, što, pavodle zakona, jaho nie mohuć asudžać da administracyjnaha źniavoleńnia, bo jon dahladaje maci-invalida. Akramia taho, u jaho małoje dzicia. Jon aburany tym, što jaho pratrymali ŭ CIP 30 hadzin.

Rubanaŭ śćviardžaje, što hety čas nie moh spać, bo ŭ jaho pa matracy poŭzali kłapy.

«Kali što, nos u mianie na fotkach nie pabity — prosta žorstkaja alerhija na niedasyp», — napisaŭ u siabie ŭ fejsbuku biełaruskamoŭny ajcišnik.

«Viadomaja taktyka dla taho, kab razburać salidarnaść u supolnaściach: karać suporciera bolš žorstka, čym arhanizatara. Typu: «ty siadziš a ŭ jaho ŭsio dobra. Kašu zavaryŭ jon, a ty raschlobvaj», — adznačyŭ Mikoła Dziadok, były palitviazień i inicyjatar taho fłešmobu salidarnaści.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?