Śledstva vyjaviła ŭvieś łancužok arhanizataraŭ, vykanaŭcaŭ i zakazčykaŭ zabojstva byłoha kiraŭnika t.zv. «Danieckaj narodnaj respubliki» (DNR) Alaksandra Zacharčanki ŭ žniŭni minułaha hoda. Pra heta paviedamlaje «RIA Naviny» sa spasyłkaj na dziejnaha kiraŭnika «respubliki» Dzianisa Pušylina.
«Ustanoŭlena schiema apieracyi ŭ płanie jaje padrychtoŭki i realizacyi. Ustanoŭlena schiema pieramiaščeńnia elemientaŭ vybuchovych prystasavańniaŭ. Taksama jość razumieńnie, jak instruktavali vykanaŭcy», — skazaŭ jon.
Pa słovach kiraŭnika respubliki, siarod zakazčykaŭ jość «vielmi vysokapastaŭlenyja» hramadzianie Ukrainy, a taksama hramadzianie inšych krain, jakija, śćviardžaje jon, akazvajuć padtrymku Kijevu. Pušylin admoviŭsia nazyvać kankretnyja proźviščy, pakolki jašče nie ŭsie zatrymanyja. Na dadzieny momant adna z hrup, jakija majuć dačynieńnie da zabojstva Zacharčanki, zatrymanaja, paviedamiŭ jon, nia pryvodziačy jakich-niebudź padrabiaznaściaŭ.
