Pra heta havorycca ŭ spačuvańni na sajcie biełaruskaj milicyi ŭ suviazi z hibiellu ŭ Mahilovie Jaŭhiena Patapoviča.
«Jamu było ŭsiaho 22 hady. Paśla zakančeńnia ŭ minułym hodzie Mahiloŭskaha instytuta MUS Jaŭhien Patapovič staŭ supracoŭnikam Dziaržaŭtainśpiekcyi. Nadziejny, sumlenny, prystojny. Maładoha aficera zaŭsiody šanavali i pavažali kiraŭniki, tavaryšy i kalehi. Siońnia nievynosna ciažka kazać pra jaho ŭ minułym časie.
Supracoŭniki orhanaŭ unutranych spraŭ zrobiać usio, kab tyja, chto ździejśniŭ hetaje podłaje złačynstva, paŭstali pierad sudom. Pakarańnie pavinna być adekvatna zroblenamu …
Žałobnaja cyrymonija raźvitańnia ź Jaŭhienam Patapovičam projdzie 18 maja z 9 da 12 hadzin u faje Mahiloŭskaj abłasnoj fiłarmonii pa adrasie: vuł. Pieršamajskaja, d. 10 (nasuprać abłasnoha dramatyčnaha teatra).