Jašče adzin bujny čynoŭnik napisaŭ zajavu ab adstaŭcy. Na hety raz havorka idzie pra staršyniu Asipovickaha rajvykankama Paŭła Nalivajku. Hetuju infarmacyju Tut.by paćvierdzili ŭ vykankamie.
Fota: Nina Caryk, sb.by.
«Tak, padaŭ. Siońnia ŭ jaho apošni pracoŭny dzień», — skazali ŭ Asipovickim rajvykankamie. Ad inšych kamientaroŭ tam admovilisia. Pavodle nieaficyjnaj infarmacyi, «čynoŭnik prachodzić śviedkam pa kryminalnaj spravie».
Pavieł Nalivajka naradziŭsia ŭ 1973 hodzie ŭ Asipovičach. U 1996 hodzie skončyŭ Biełaruski ahrarny techničny univiersitet (śpiecyjalnaść pa adukacyi — miechanizacyja sielskaj haspadarki), u 2007 — Akademiju kiravańnia pry prezidencie (ekanomika i kiravańnie na pradpryjemstvie pramysłovaści).
Pracoŭny šlach pačaŭ na Asipovickim zavodzie aŭtamabilnych ahrehataŭ PA «BiełAŭtaMAZ» inžynieram pa ramoncie i mantažy adździeła hałoŭnaha miechanika. Paśla vajskovaj słužby viarnuŭsia na pasadu inžyniera adździeła hałoŭnaha miechanika AZAA. Z 2007 hoda pracavaŭ namieśnikam dyrektara — hałoŭnym inžynieram ustanovy pa zachoŭvańni materyjalnych kaštoŭnaściaŭ «Majak», u sakaviku 2012 h. — znoŭ u kalektyvie aŭtaahrehatčykaŭ: namieśnik načalnika adździeła techničnaha kantrolu, hałoŭny inžynier pradpryjemstva (2012-2016).
U 2016-2017 hadach byŭ pieršym namieśnik staršyni Asipovickaha rajvykankama, a sa žniŭnia pazaminułaha hoda ŭznačaliŭ rajon.