Leanid Kazimiraŭ, jaki vykonvaje funkcyi cyhanskaha barona ŭ Mahilovie, paviedamiŭ «Našaj Nivie», što, pa jaho infarmacyi, zabojca inśpiektara DAI Jaŭhiena Patapoviča zatrymany milicyjaj.
Leanid Kazimiraŭ, fota Nadziei Bužan
Kaźmiraŭ skazaŭ, što pakul nie viedaje detalaŭ: ani padrabiaznaściaŭ zatrymańnia, ani nacyjanalnaść, ani hramadzianstva złačyncy. Pa jaho słovach, adzinaje, što dakładna viadoma — zabojca nie z cyhanskaj dyjaspary.
Nahadajem, 23-hadovy inśpiektar DPS Jaŭhien Patapovič źnik u Mahilovie ŭviečary 16 maja. Paźniej jaho znajšli zabitym u lesie. Pa ŭsioj krainie milicyja šukała čornuju «Vołhu» na rasijskich numarach, paviedamlałasia, što inśpiektar sieŭ u jaje i bolš jaho žyvym nichto nie bačyŭ. Pa papiaredniaj viersii, u mašynie było troje ci to cyhanoŭ, ci to kaŭkazcaŭ.
«Naša Niva» pakul nie atrymała paćvierdžańnia infarmacyi ad Śledčaha kamiteta, ni ad mahiloŭskaj milicyi.
«U ciapierašni čas u mianie niama takoj infarmacyi», adkazaŭ pradstaŭnik SK Siarhiej Kabakovič.