Arhanizatara seks-viečarynki ŭ Baraŭlanach asudzili da 14 hadoŭ kałonii asablivaha režymu, paviedamlaje BiełTA.
Mužčynu taksama pryjdziecca vypłacić štraf u pamiery 400 bazavych (10,2 tysiačy rubloŭ). Jon pryznany vinavatym pa č.2 art.166 (zhvałtavańnie, učynienaje paŭtorna), č.2 art.167 (hvałtoŭnyja dziejańni sieksualnaha charaktaru), č.1 art.171 (arhanizacyja prastytucyi, utrymańnie prytona dla zaniatku prastytucyjaj). Prysud u zakonnuju siłu nie ŭstupiŭ i moža być abskardžany i apratestavany.
Na seks-viečarynu siłaviki pryjšli 28 lipienia 2018 hoda. U katedžy znachodzilisia 34 mužčyny i 18 dziaŭčat, siarod jakich byli siamiejnyja pary i studenty. Uzrost udzielnikaŭ varjiravaŭsia ad 20 da 45 hadoŭ. Akramia vypadkovych udzielnikaŭ, pa infarmacyi MUS, na viečarynkach prysutničali prastytutki, viadučyja tematyčnych konkursaŭ, barmieny i inšy piersanał, pasłuhi jakoha ŭvachodzili ŭ košt naviedvańnia. Taksama ŭ apłatu ŭklučaŭsia ałkahol, ježa, karystańnie saunaj i basiejnam. Košt uvachodu dla mužčyn składaŭ ad 200 da 370 rubloŭ, dla pary — 120. Žančyny ŭdzielničali ŭ mierapryjemstvie biaspłatna. Pastajannym siabram kłuba davali źnižki.
Čytajcie taksama: Śpiecnaz uvarvaŭsia na viečarynu śvinhieraŭ pad Minskam VIDEA
