Praciahvajecca pratest žycharoŭ Jekaciarynburha (Rasija) suprać budaŭnictva sabora Śviatoj Vialikapakutnicy Kaciaryny na miescy skviera ŭ centry horada. Pratestoŭcy patrabujuć zachavać skvier.
Miascovy žurnalist Maksim Rumiancaŭ, jaki vystupaje za budaŭnictva chrama, pravakavaŭ pratestoŭcaŭ suprać budaŭnictva hetaha chrama udaryć jaho ŭ tvar.
Poŭnyja viersii zapisaŭ apublikavanyja na sajcie Centra svabodnaj žurnalistyki, u jakim pracuje Rumiancaŭ. Jany byli zroblenyja jašče 8 krasavika padčas adnaho z papiarednich mitynhaŭ haradžan, adnak stali papularnymi tolki ciapier.
Na pieršym videa Rumiancaŭ na kamieru kaža, što «chram zaŭsiody pryciahvaje ŭ śviatoje miesca ašalełych ludziej». Ludzi vakoł pačynajuć aburacca tym, što reparcior nazvaŭ ich varjatami. Rumiancaŭ źviartajecca da adnaho z aktyvistaŭ i prosić złamać jamu skivicu.
«Złamajcie mnie skivicu, złamajcie. Za słovy adkazvaješ — tady bi. A kali nie možaš stuknuć, tady i nie kidajsia takimi słovami. Usie, dziaŭčynka, da pabačeńnia», — kaža Rumiancaŭ i praź imhnieńnie padaje ad udaru ŭ skivicu. Jamu spatrebiŭsia niekatory čas, kab padniacca. «Nu voś jak raz tki my i bačym, što my nikoha rukami nie čapali», — skazaŭ na zakančeńnie jon, ačuŭšy ad udaru.
Raniej pratestoŭcaŭ u Jekaciarynburhu nazvaŭ demanami tele- i radyjoviadučy Uładzimir Sałaŭjoŭ.
