Kryminalnuju spravu ŭ dačynieńni da hałoŭnaha aniestezijołaha-reanimatołaha krainy Alaksandra Dziadźko rasśleduje SK. Pra heta Tut.by paviedamiŭ aficyjny pradstaŭnik viedamstva Siarhiej Kabakovič.
Pavodle infarmacyi Tut.by, Alaksandr Dziadźko byŭ zatrymany 15 maja. Fota: bsaer.org.
— Śledčym kamitetam raspačata i rasśledujecca kryminalnaja sprava ŭ dačynieńni da Alaksandra Dziadźko pa faktach atrymańnia chabaraŭ ad pradstaŭnikoŭ kamiercyjnych struktur za vyrašeńnie pytańniaŭ, jakija ŭvachodziać u jaho kampietencyju, — paviedamiŭ aficyjny pradstaŭnik SK Siarhiej Kabakovič. — Ciapier z zatrymanym pracujuć śledčyja, pravodziacca nieabchodnyja pracesualnyja dziejańni.
Nahadajem, pavodle infarmacyi Tut.by, hałoŭnaha aniestezijołaha-reanimatołaha krainy Alaksandr Dziadźko zatrymali 15 maja. Siońnia na pracy jaho niama, kabiniet začynieny, a kalehi kažuć: «Nam nichto nie paviedamlaje, dzie jon».
Pra toje, što siłaviki prajavili cikavaść da viadomaha aniestezijołaha krainy Alaksandra Dziadźko, paviedamiła infarmavanaja krynica:
— Pa papiaredniaj infarmacyi, Alaksandra Michajłaviča zatrymali ŭ ramkach «spravy miedykaŭ», pakazańni suprać jaho, mahčyma, daŭ adzin z pastaŭščykoŭ miedycynskaha abstalavańnia, jaki fihuruje ŭ spravach inšych miedykaŭ.
U KDB, jaki ŭ asnoŭnym zajmaŭsia «spravami miedykaŭ», raniej paviedamili, što nie zatrymlivali hałoŭnaha aniestezijołaha krainy.
