U studzieni—listapadzie 2008 hoda Biełaruś handlavała sa 180 krainami. Tavary pastaŭlalisia na rynki 138 dziaržaŭ, impartavałasia pradukcyja sa 165 krain.

Jak paviedamiŭ Nacyjanalny statystyčny kamitet, asnoŭnymi handlovymi partniorami Biełarusi ŭ studzieni—listapadzie 2008 hoda byli: Rasija — 47,5% ad usiaho abjomu tavaraabarotu, Niderłandy — 8,2%, Ukraina — 6,9%, Hiermanija — 4,8%, Polšča — 4,1%, Łatvija — 3,2%, Kitaj — 2,7%, Vialikabrytanija — 2,4%, Brazilija — 1,8%, Italija — 1,6%.

Ekspart tavaraŭ u Rasiju skłaŭ 10 młrd. 002,8 młn. dołaraŭ, što na 24,3% bolš, čym u studzieni—listapadzie 2007 hoda, impart z hetaj krainy — 22 młrd. 270,8 młn. (na 46% bolš).

U Niderłandy ekspartavana tavaraŭ na 5 młrd. 266,1 młn. dołaraŭ, ci 16,8% da ahulnaha abjomu ekspartu (u 1,4 raza bolš). U toj ža čas impart z hetaj krainy zajmaje 0,9% u ahulnym abjomie impartu — 333,6 młn. dołaraŭ (na 48,5% bolš).

Abjom ekspartu va Ukrainu za 11 miesiacaŭ 2008 hoda dasiahnuŭ 2 młrd. 718 młn. dołaraŭ (u 2,1 razu bolš), impartu ŭ Biełaruś — 1 młrd. 983,1 młn. (na 42,9% bolš). Dola ekspartu ŭ ahulnym abjomie skłała 8,7%, impartu — 5,4%.

U Hiermaniju ekspartavana tavaraŭ na 767,1 młn. dołaraŭ (u 1,2 raza bolš), impartavana — 2 młrd. 517,1 młn. (na 29,9% bolš). U Polšču ekspart skłaŭ 1 młrd. 743 młn. (na 61,1% bolš), impart — 1 młrd. 051,9 młn. (na 44,3% bolš).

Abjom ekspartu ŭ Vialikabrytaniju skłaŭsia na ŭzroŭni 1 młrd. 382,9 młn. dołaraŭ (na 2,2% mienš), impart — 246 młn. (na 47,5% bolš). Abjom ekspartu ŭ Kitaj skłaŭ 525 młn. (na 17,8% bolš), impartu — 1 młrd. 280,5 młn. (na 82,7% bolš), u Łatviju — 2 młrd. 080,8 młn. (u 2,4 raza bolš) i 126,9 młn. (na 14,2% bolš) adpaviedna.

U Litvu ekspartavana tavaraŭ i pasłuh na 586,5 młn. dołaraŭ (na 10,9% bolš), impartavana — 212,7 młn. (na 30,6% bolš). U Braziliju ekspartavana tavaraŭ na 1 młrd. 073,2 młn. dołaraŭ (u 3,4 raza bolš), impartavana — 138,7 młn. (u 1,5 raza bolš), u ZŠA — 139,2 młn. dołaraŭ (na 59,1% mienš) i 483,6 młn. (na 34,4% bolš) adpaviedna.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?