Supracoŭniki FSB zabili dvuch mierkavanych terarystaŭ va Uładzimirskaj vobłaści Rasii, paviedamlaje Nacyjanalny antyterarystyčny kamitet.

Padazravanyja byli błakavanyja śpiecnazam ŭ noč na 22 maja ŭ pryvatnym domie ŭ horadzie Kalčuhina. Jany admovilisia zdacca i adkryli ahoń pa siłavikach.

«Asoby bandytaŭ papiarednie ŭstanoŭleny. Pa dadzienych Apieratyŭnaha štaba NAK, jany źjaŭlalisia prychilnikami adnoj z terarystyčnych arhanizacyj, padtrymlivali suviaź z emisarami za miažoj, pa zadańni jakich rychtavali terakt u miescy masavaha znachodžańnia ludziej», — havorycca ŭ paviedamleńni NAK.

U domie, dzie chavalisia padazravanyja, vyjaŭlenyja zbroja i bojeprypasy, samarobnaja bomba i relihijna-ekstremisckaja litaratura.

U rajonie uvodziŭsia režym kontrterarystyčnaj apieracyi, a žycharoŭ najbližejšych damoŭ evakujavali. Nichto z supracoŭnikaŭ pravaachoŭnych orhanaŭ i mirnych žycharoŭ nie paciarpieŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0