Zdareńnie adbyłosia jašče ŭ krasaviku minułaha hoda ŭ adnym ź internataŭ, ale pra jaho stała viadoma tolki ŭ mai hetaha hoda, paviedamlajecca na sajcie milicyi.

Apieratyŭniki daviedalisia pra zdareńnie dziakujučy videa ŭ sacsietkach.

«My vyvučali asobu adnaho z pradstaŭnikoŭ niefarmalnych hrupovak, jaki moža być datyčny da złačynnaj dziejnaści. U jaho internet-akaŭncie znajšli videa z hvałtam da navučenca kaledža. Ustanavili asoby ŭsich udzielnikaŭ toj padziei i vyśvietlili abstaviny kanfliktu», — paviedamili ŭ milicyi.

Akazałasia, u pakoi internata šaściora navučencaŭ kaledža (usie 2000 i 2001 hoda naradžeńnia) zalapili skotčam rot 19-hadovamu pastajalcu, źviazali jaho i vynieśli ŭ kalidor. Va ŭsich na vačach złamyśniki ciahali chłopca pa padłozie i pieryjadyčna bili jaho pa hałavie.

Ździek źniali na videa i vykłali ŭ internet. Paciarpieły akazaŭsia ścipłym čałaviekam, tamu paprostu saromieŭsia raskazvać pra zdareńnie. Pa hetaj ža pryčynie, a taksama z-za strachu pomsty z boku kryŭdnikaŭ chłopiec nie paviedamiŭ pra incydent u pravaachoŭnyja orhany.

Chulihany vybrali achviaru nie vypadkova. Praz hvałt nad im, u tym liku raspaŭsiudžvańnie rolika ŭ internecie, navučency chacieli zarabić aŭtarytet, pakazać ŭsiodazvolenaść i svaju pieravahu nad inšymi.

U dačynieńni da ich raspačata kryminalnaja sprava pa č.2 art.339 KK (chulihanstva, ździejśnienaje hrupaj asob). Sankcyja artykuła praduhledžvaje maksimalnaje pakarańnie ŭ vyhladzie pazbaŭleńnia voli terminam da 6 hadoŭ.

Ciapier pravaachoŭniki praviarajuć mahčymuju datyčnaść złamyśnikaŭ da inšych złačynstvaŭ. Niekatoryja ź ich užo asudžany za kradziažy, pryciahvalisia da administracyjnaj adkaznaści za raspaŭsiudžvańnie nacysckaj svastyki i ekstremisckich materyjałaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0