«Heta nie haŭno, heta — pyłok. Prosta jaho sahnała ŭ kuču, jon sabraŭsia i pačaŭ padhnivać. Tamu i smurod taki», — tak rabotnik «Minsvodakanała» patłumačyŭ Jeŭraradyjo, čamu ŭ rajonie kaviarni «Majak» na bierazie Śvisłačy ŭžo amal tydzień staić, skažam tak, niepryjemny pach.

Jarka-zialonuju vadu ŭzdoŭž bieraha i smurod miascovyja žychary zaŭvažyli 18 traŭnia. Uviečary taho ž dnia na miesca pryjechała niekalki mašyn MNS, uklučajučy mašynu chimičnaj biaśpieki. Ratavalniki apieratyŭna abharadzili nalot, jaki źjaviŭsia, a supracoŭniki Sanepidemstancyi ŭziali proby rečyva. Substancyja znachodzicca kala bieraha raki da hetaha času. I da hetaha času śmiardzić.

Jak raspavioŭ Jeŭraradyjo načalnik vytvorčaści pa ekspłuatacyi Vilejska-Minskaj vodnaj sistemy «Minskvodakanała» Vasil Babiej, substancyja nie ŭjaŭlaje niebiaśpieki — heta paćvierdziła ekśpiertyza Sanepidemstancyi. Adnak niahledziačy na niepryjemny pach, prybirać jaje nie buduć pa niekalkich pryčynach:

«Na vadu nielha vychodzić, tamu što nierast. Heta pa-pieršaje. A substancyja — heta pyłok i pył. Vada maje takuju ŭłaścivaść — da jaje ŭsio prylipaje. Hetuju substancyju i sabrać nielha — jana prasočvajecca praz padchvatniki. Heta pa-druhoje».

Zastajecca tolki čakać, kali substancyja źniknie sama. Kolki ž heta moža zaniać času?

«Heta ŭsio projdzie vielmi navat chutka. Zaležyć, viadoma, ad umoŭ nadvorja: kali budzie navalnica i doždž, to adrazu ŭsio zmyje. A tak, dumaju, praz tydzień usio projdzie. A ciapier staić śpioka — niama daždžu», — praciahvaje Vasil Babiej.

Anałahičnaja situacyja nazirajecca na bierahach Śvisłačy i ŭ inšych rajonach stalicy. Naprykład, śmiardziučuju substancyju možna vyjavić pad mostam u skviery Starościnskaja słabada, u rajonie haścinicy «Jubilejnaja». Pa słovach vidavočcaŭ, jana tam znachodzicca ŭžo treci tydzień. Sardečna zaprašajem u Minsk, turysty!

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?