Na stadyjonie «Dynama» ŭ Minsku prajšło aficyjnaje adkryćcio II Jeŭrapiejskich hulniaŭ.

Maštabnaje šou było paklikanaje adlustravać biełaruskija tradycyi, kaštoŭnaści i historyju.

Tamu na scenu vychodzili tancory, stylizavanyja pad piersanažaŭ batlejki. Ažyli kaściumy Baksta i karciny Šahała — usie hetyja miłyja zakachanyja i kazły. Była svaja celnaść u hetaj eklektycy: usio pačałosia ź pieśni Pachmutavaj «Mołodosť moja, Biełoruśsija», a paśla byli i biełaruskija etna-śpievy, i Hanna Niatrebka ź Iharam Krutym.

Žares Ałfioraŭ źmianiaŭ Vitaŭta i rycaraŭ Vialikaha Kniastva z kalumnami i Pahoniami. 

U televizijnaj viersii Pahonia zastałasia amal niezaŭvažnaj.

U televizijnaj viersii Pahonia zastałasia amal niezaŭvažnaj.

Byli Usiasłaŭ Połacki i prasłaŭlenyja niadaŭniaj znachodkaj šlemy, Leŭ Sapieha sa Statutam VKŁ i inžynier Kazimir Siemianovič, Jefrasińnia Połackaja i avijakanstruktar Suchoj.

Usio heta supravadžałasia dekłamacyjaj składanych vieršaŭ — u tym liku «Spadčyny» Kupały, «Usie my razam lacim da zor» Bahdanoviča, a taksama Adama Mickieviča. 

Adnym z režysioraŭ cyrymonii adkryćcia staŭ biełarus Alaksandr Vaviłaŭ. Jon padrychtavaŭ asnovu, ź jakoj paźniej pracavali rasijanie z kampanii kampazitara Ihara Krutoha, jakaja vyjhrała tendar. Cyrymonija składałasia ź siami epizodaŭ, kožny ź jakich byŭ pryśviečany siužetu z historyi i kultury Biełarusi: Kupallu, Siaredniaviečču, sučasnaści i hetak dalej.

Vitaŭt na adkryćci Jeŭrapiejskich hulniaŭ.

Vitaŭt na adkryćci Jeŭrapiejskich hulniaŭ.

A televiadoŭca z honaram raskazaŭ, što ŭ časy Vitaŭta naša dziaržava praścirałasia ad mora da mora i ad Buha da Uhry.

Ušanavali i staražytny rod Radziviłaŭ.

Ušanavali i staražytny rod Radziviłaŭ.

Śpiavali biełaruskija muzyčnyja zorki — ad «Trojcy» da opiernych zorak Silčukova i Laŭčuk.

Varta adznačyć, što ŭvohule adkryćcio atrymałasia vielmi biełarusacentryčnym, raźličanym na ŭzmacnieńnie honaru za Biełaruś.

Niby finalnaj kropkaj stała ŭvasoblenaje na ručniku vykazvańnie Vasila Bykava z «Sotnikava»: «Adzinaja realnaja kaštoŭnaść u čałavieka na śviecie — jaho žyćcio».

Cytata Vasila Bykava.

Cytata Vasila Bykava.

Z hetym humanistyčnym matyvam pierahukalisia słovy Alaksandra Łukašenki ŭ jahonym vystupie pierad tym jak zapalili Ahoń hulniaŭ. Jon zaklikaŭ, kab dziaržavy vyznačyli samuju mahutnuju vyklučna na spartovych arenach.

Prezident Jeŭrapiejskich alimpijskich kamitetaŭ Janiez Kačyjančyč vystupiŭ pa-biełarusku, čym sarvaŭ avacyju trybun. A vynieśli alimpijski ściah i zapalili ahoń — u vyhladzie Paparać-kvietki — vialikija biełaruskija spartoŭcy minułych hadoŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?