Pasły krain «Hrupy siami» (G7, «Vialikaja siamiorka») raskrytykavali zakonaprajekt prezidenta Ukrainy Uładzimira Zialenskaha ab pašyreńni śpisu asobaŭ, jakija padpadajuć pad lustracyju. Pra heta havorycca ŭ zajavie ambasadaraŭ, apublikavanym u tvitary.

Na ich dumku, pryciahnieńnie da adkaznaści vinavatych u złoŭžyvańni ŭładaj — dakładny krok, ale ciapierašniaja situacyja va Ukrainie nie paraŭnalnaja z toj, jakaja mieła miesca paśla Jeŭramajdanu — masavych pratestnych akcyj u Kijevie ŭ 2013-2014 hadach.

Akramia taho, ambasadary adznačyli, što ŭ 2014-m była nahoda vitać prahres u refarmavańni šerahu halin.

12 lipienia Zialenski zarehistravaŭ u Viarchoŭnaj Radzie zakonaprajekt, pavodle jakoha były kiraŭnik dziaržavy Piatro Parašenka i ŭsie jaho asiarodździe nie zmohuć zajmać dziaržaŭnyja pasady. Pra nieabchodnaść lustryravać ŭsio najvyšejšaje kiraŭnictva Ukrainy, jakoje znachodziłasia va ŭładzie z 2014 hoda, uklučajučy Parašenku, prezident krainy zajaviŭ za dzień da hetaha. «Nas abvinavačvajuć, što my chočam admianić lustracyju. Kab usie zrazumieli, što my nie źbirajemsia admianiać lustracyju, - my prapanujem jaje ŭzmacnić », — skazaŭ kiraŭnik dziaržavy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?